දහඩිය සුවද හදුනනා දිරිය මිනිසුන්

   අනුන්ගේ කුණු හොයමින් වැඩකට නැති ජීවිත ගත කරන මිනිස්සු අතරෙ තිබෙන කුණු කොහොම හරි ඉවත් කරන්න දගලන මිනිස්සු මේ සමාජයේ ජීවත් වන්නෙ සුලු ප්‍රමාණයක් පමණයි.ඔවුන් ජීවන අරගලයේ යෙදෙන්නේ අහස අල්ලන්නට නොව එදා වේල හරි හම්බ කර ගැනීමටය.මග දෙපස සුන්දර කිරීමට වෙර දරන අප ඉවත් කරනා කුණු කසල ඔවුන්ගේ පිරිසිදු දෙඅත් වලින් ඉවත් කරන ඔවුන් පැවරුණු රාජකාරිය අකුරටම ඉෂ්ට කරති.වර්තමාන රාජ්‍ය සේවකයාටත් ඔවුන්ගේ කාර්ය අවංක ලෙස ඉෂ්ට කිරීමට නොහැකි වී ඇත්තේ රාජකාරිය දේවකාරියක් ලෙස නොසලකා හැරීමෙනි..මෙම දිරිය මිනිසුන් සදහා නිර්මාණය වූ අන්වර්ථ නාමය වූයේ පාරේ කූණු අදින මිනිසුන් ලෙසය..නමුත් එය නම්බුකාර රස්සවකි.කාටත් යටත් නොවී අතේ පයේ ශක්තිය තිබෙනකම් රාජකාරි අවංක හදවතින් යුතුව ඉටු කරනු ලබයි."හිතේ හයිය" ඔවුන්ගේ ප්‍රධාන බලවේගය කර ගත් හ.

   බොහෝ නම්බු නාම තනතුරු දරන උදවිය කාර් බාර් වලින් පැමිණ ඔවුන්ගේ කුණු දැමීමට මහාමාර්ග තෝරා ගනු ලබති .කෙතරම් උගත් වුවත් උසස් වුවත් පහත් මානුෂිකත්වයෙන් හෙබි ඔවුන් පරිසරයේ සුන්දරත්වය කෙරෙහි අවධානය යොමු නොකරති.ඔවුන්ගේ පහසුව තකා ඉවතලන කුණු කසල වලට වන්දි ගෙවනු ලබන්නේ එදා වේල හරි හම්බ කර ගැනීමට වෙර දමන අහිංසක මනුෂ්‍යයන්ය.නමුත් ඔවුන් එම රජකාරිය කටුකය පිළිකුල් ය යනුවෙන් සිතා පැහැර හරින්නේද නැත. ගද ගහන පණුවන්ගෙන් පිරුණු කුණු ගොඩක් වුවද දෙඅතින් ඇල්ලීමට තරම් ඔවුන්ගේ මානසිකත්වය ගොඩ නැගී ඇත.ඔවුන් ඉදල,කුණු බක්කිය සමග පොර බදින්නේ එකෙකු පරයා එකෙකු නැගී සිටීමට නොව ජීවිතය දුෂ්කරතා හමුවේ ජය ගැනීමටය...අවු  වැසි හමුවේ මහ සෙනග අස්සේ අපවිත්‍ර වූ මංමාවත් දුගද හමන කුණු කාණු පවිත්‍ර කරනුයේ අප සැමගේ සුබ සිද්ධිය උදෙසාය.ඔවුන්ගේ මේ උදාරතර සේවය නොමැති වුවහොත් පරිසරය මහ අපායක් බවට පත් වනු නොඅනුමානය.කෙතරම් දුෂ්කරතා තිබුන ද ඔවුන් අරගල කරන්නට පාරට බහින්නේද නොමැත.ඔවුන් සටන් කර්නුයේ ජීවිත යථාර්ථය ත් සමගය.ලැබෙන සොව්චම් මුදලෙන් ජීවිත ය ජය ගැනීමට දරන වෑයම අතිමහත්ය.මෙවැනි දිරිය මිනිසුන් කෙරෙහි සමජය විසින් වටිනාකමක් ලබා දිය යුතු අතර ඔවුන්ගේ සේවයෙහි වටිනාකම  පිළිබඳව අප සැම අවබෝධය ඇති කර ගත යුතුය..මහ ඉහළින් කම්කරු දින විප්ලවවාදී ලෙස සැමරුවද සැබෑ කම්කරුවන් තවමත් මහපාරේය...ඔවුන්ගේ ඉල්ලීම් අයිතිවාසිකම් සදහා වටිනාකමක් නොලැබෙන්නාවූ කටුක දුෂ්චරිතවත් සමාජය  ඔවුන් ගේ අගය තවමත් තේරුම් ගෙන නොමැත..මෙම දිරිය මිනිසුන් කෙරෙහි වැඩි අවධානයක් යොමු කළ අතර ඔවුන්ගේ ජීවිත ගොඩ නගා ලීමට යම් අත්තිවාරමක් සමාජය විසින් ගොඩනංවා ලිය යුතුය...

                                              -නිසා-