ගීතය අඩාවැලපීමක්ද?..

  පුද්ගල ජීවිතය ආනන්ද යෙන් තෘප්ත කළ හැකි කලා මාධ්‍ය ගීතයයි.ගීතය තුළ රසය ගැබ් වී ඇති අතර ගීත රචකයාගේ පෞද්ගලික අත්දැකීමක් හෝ වෙනත් අත්දැකීමක් වස්තු විෂය කර ගනිමින් කලාත්මක වූ නිර්මාණක් අතීත කලාකරුවා ප්‍රතිනිර්මාණය කරනු ලබයි.ඔහු සති භාෂා දැනුම ,සතතාභ්‍යාසය , පරිකල්පන ශක්තින් සුසංයෝගී කර ගනිමින් අර්ථවත් වූ කාව්‍ය නිර්මාණ බිහි කිරීමට කාව්‍ය රචකයන් දැක්වූයේ සුවිශාල දක්ෂතා වයකි.නමුත් වර්තමානය වන විට උසස් කාව්‍ය නිර්මාණ බිහි වීම අවම වූයේ මන්ද? ප්‍රශ්නාර්ථය කි.ආදරය ,විරහව,ශෝකය ගීතය තුළින් ප්‍රකාශ කරනුයේ ඉතාමත් සංයමයකින් යුතු භාෂාවකිනි.
අතීත කාව්‍ය නිර්මාණය කරුවන් ආදරය විරහව උවද ගීත නිර්මාණ තුළින් පෙන්වා දුන්නේ යථාර්ථ වාදී අයුරිනි.විරහව දරා ගත නොහැකි පෙම්වතුන් ආදරය සිගමන් යදින ආකාරය නොව ආදරයේ වටිනාකම පුලුල් ලෙස දක්වා ලීමට කාව්‍ය යොදා ගත්හ.
     
   "  ඔබ රකින්නට සැරසුනේ මා 
    නා රජෙකු සතු මැණික මෙන්
    ඔබේ පසුපස මනෙට රැදුනේ
    රකින්නට ඔබ හැම දෙයින්
    ඒත් ඔබටම එපා වූ මා
     නැවත එන්නෑ ඔබ බලන් "

මෙම ගීතයේ පද රචනයෙහි පෙම්වතිය අනියම් ඇසුරක් නිසාවෙන් පෙම්වතා හැර ගිය බවත් පෙම්වතා විසින් ඇයව ප්‍රතික්ෂේප කරන අයුරු කාව්‍ය තුළින් දක්වා ඇත්තේ වෙරී සහගත සිතින් නොව සමාජ යතාර්ථයක් ලෙසිනි.උපමා අලංකාර වලින් පරිපූර්ණ කාව්‍ය නිර්මාණයන් සමාජයට දායද කිරීමට අතීත කාව්‍ය රචකයන් ගත් උත්සහය මැනවින් පැහැදිලි වේ.
     
    නමුත් වර්තමානයේ ගීත කලාවට අත් වූ ඉරණම දෙස බැලූ විට මුළුමනින්ම ගීතය අඩාවැඩියාවක් පමණක් වී ඇති බව පැහැදිලිය.අහිමි වීම හා පෙම්වතා තම පෙම්තිය හැරයාම දරාගත නොහැකි අඩාවැලපෙනා ගීත ප්‍රචාරය වීම දක්නට ලැබේ. මෙතුලින් ගීතයේ වටිනා කම හීන වී යන අතර බොළඳ ආදරය හා ආදරය තුළ අන්ධ වූ තරුණ තරුණියන්ගේ මනෝභාවයන් ශෝකාලාපයක් මෙන් ගීතය තුළින් ඉදිරිපත් කරනු ලබයි.
   විටෙක සවන් දිය නොහැකි අඩාවැඩියාවකි ආදරය නැමැති හැගීම මුල් කොට ගනිමින් හැරයාම ගීතයේ වස්තු විෂය කරගනිමින් වර්තමාය වන විය ගීත විශාල වශයෙන් නිර්මාණය වේ. ගායකන් බිහි වන්නේ හතුපිපෙන්නාක් මෙනි.නමුත් ගායකයන් වුවද ගීතයේ සැබෑ වටිනාකම තෙරුම් ගෙන නොමැත.

    "රත්නත්තරේ පිහිටයි මැණික මා සදා
   ඉල්ලන්න බෑ වැදලනම් යන්නෙපා නා දමා
   හොද දේ හොඩ්යි නරක වැරදී
   දන්නවනෙ දැන් ඉතින් ඔයා 
  පඩුරක් පවා ගැටගැසුවා සෙත් පතා        බෝධීයේ"

    මෙවැනි වූ කාව්‍ය නිර්මාණය න් බිහි වීම කණගාටුවට කරුණකි.භාවිතා කරන්නා වූ භාෂාව මෙන්ම ආදරය හෑල්ලුවකට ලක් වූ තරුණයෙකු තම පෙම්වතිය ඉදිරියේ වැද වැටෙන අන්දම නිරූපණය කරයි.ගීතය තුළින් ආදරය වටිනාකම නිරූපණය කළ යුත්තේ මේ ආකාරයෙන්ද ප්‍රශ්නාර්ථයකි.. ගීතය යනු වැලපීමක් නොව එතුළින් රසිකයන් හට ඉදිරිපත් කළ යුත්තේ ගීතාත්මක රසයක්ය. නමුත් වර්තමාන ගීත නිර්මාණ තුළ දක්නට නොලැබෙන්නේ මෙම ගීතාත්මක රසයයි.මෙය කණගාටුවට ලක් විය යුතු කරුණකි  
කාව්‍ය නිර්මාණයන් කෙරෙහි වස්තු විෂය කරගන්නා අත්දැකීම් ඉතාමත් සාර්ථක ලෙස අර්ථවත් වූ පණිවිඩය ක් ලබා දෙන අයුරෙන් ඉදිරිපත් කරන්නේ නම් ගීතයේ අඩා වැලපීම යම් අයුරකින් වෙනස් මානයකට ගමන් කිරීමට තරුණ ගීත නිර්මාණශිල්පීන් වග බලා ගත යුතුය...

R.k.R.N දිසානායක
HS/2015/0219
(මුද්‍රිත මාධ්‍ය )